Стовкы людей брали у четверь участь при совєтьскых памятках в берліньскій штвертї Тірґартен а в парку Трептовер. Припомянули сі так 79. юбілей закончіня другой світовой войны. На подїях брав участь і російскый амбасадор в Нїмецьку Серґей Нечаєв,інформує о тім TASR подля аґентуры DPA. В парку Трептовер ся зучастнили на згромаждїню, котре орґанізовали членове російской православной церькви. Поліція навщівників при вступі контролёвала і перевірёвала заказаны сімболы і річі. В парку є вміщена соха совєтьского вояка а тыж воєньскый цінтерь.

(TASR, Шутіова)