Новый премєр Великобрітанії Кеір Стармер в понедільок приобіцяв выліпшыти подля його слов „збабраный“ побрексітовый договор із Европсков унійов о обходных правилах, котрый підписав бывшый премєр Борис Джонсон. Інформує о тім аґентура Reuters. Стармер то повів у прояві в Белфасті по переговорах із лідерами Северной Ірландії, в котрій правила обходу по брексіті вже рокы домінують політіці. Додав, же його нова влада буде мусити насамперед выконати зміны в рамках сучасного договору, жебы собі збудовати довіру з Европсков унійов.

(Медвідь, TASR)