Споєны штаты в понедільок дали санкції на штирьох босняньскосербскых представителів за їх роль при підпорі приятя закона, котрый підкопує переломный мірный договор. Закон, котрый початком юла підписав лідер босняньскых Сербів Мілорад Додік, ефектівно уможнює сербскій ентіті в Босні і Герцеговині – Републіці сербскій, обыйти або іґноровати рішіня меджінародного посла той балканьской країны. Амбасада США в Сараєві Додіково приятя одсудила, причім тот крок означіла за „протиконштітучну і задуману атаку на Дейтоньскый мірный договор“ із 1995-го року. Санкції были даны на председу парламенту Републікы сербской Ненада Стевандіча, премєра Радована Вішковіча, міністра справедливости Мілоша Букельовіча, як і на сербску членку тричленного презідентьского уряду Босны і Герцеґовины Жельку Цвіяновічову.

(Медвідь, TASR)