Російскый міністер заграничных справ Серґей Лавров є пересвідченый, же Москва досягне на Україні свої цілі завдякы ‟терпезливости і завзятости‟. Лавров ся такым способом подля аґентуры AFP высловив в дебаті, котру вчера одвысылала російска штатна телевізія. Повторив тыж позицію Москвы, же як хоче Києв обновліня міровых дебат, мав бы узнати російску анексію штирьох області. Шеф російской діпломації тыж увів, же Москва собі желать, абы ся конфлікт на Україні скінчив, але з досягуваням своїх цілів недрындать ся. (TASR, Pkf)