Пару тісяч косовскых Серьбів вчера протестовало в місті Косовска Мітровіца на севері країны проти ознамліню Пріштіны, же міст на ріці Ібар, котрый в непокійній області выділює Серьбів і етнічных Албанців, планує знову отворити про транспорт. Інформує о тім аґентура Tanjug. Премєрь Курті в часі мінулотыждньовой стрічі з амбасадорами западных країн увів, же міст через ріку Ібар в Косовскій Мітровіці мусить быти отвореный. KFOR предвчером варовав тамтешні владны орґаны перед пробами о зновуотворіня моста, котрый є уж рокы заперьтый про автомобіловый транспорт. Як дале KFOR увів, же в сітуації, як будуть косовскы орґаны продовжувати в потенціоналных планах на отворіня моста, ‟небуде вагати‟ і засягне. (TASR, Pkf)