Сербія є вдячна Будапешту за підпору Белеграду в його евроінтеґрачных намагах, але і за позіцію ку вопросу Косова, господарьску співпрацу як і підпору сербской меншыны в Мадярьску. В понедільок то повіла сербска премєрка Ана Бырнабічова у войводиньскій Суботіці на пятім сполочнім засіданю сербской і мадярьской влады. Подля аґентуры MTI мадярьскій премєр Віктор Орбан підкреслив, же вступ Сербії до Европской унії є інтересом каждой членькой державы. За його словами без держав середньой Европы бы на контіненті не было господарьске наростаня, і так є вступ новых держав выгодный не лем про вступуючіх, але і про членів. Членове обидвох влад підписали в понедільок 11 договорів, котры дотуляють ся вшыткых областей.

(Медвідь, TASR)