Сполочны сербско-російскы воєньскы маневры з назвов Славяньскый щіт одбудуть ся в половині октобра в Сербії. Інформовала о тім російска пресаґентура ТАСС з одкликаньом ся на неменованы воєньскы джерела. В рамках маневрів будуть хосновати і сістему противоздушной обороны Панцір-С, котру привезуть з Росії. Сербскый презідент Александар Вучіч в половині септембра повів, же Белеград собі заобстарав змодернізовану сістему Панцір-С1М. Росія уж скоріше додала Сербії 30 танків тіпу Т-72МС як і далшу воєньску техніку за 75 міліонів евр. Вучіч так само выголосив, же перша додавка протитанковых рядженых стріл Корнет прийде до Сербії іщі перед кінцьом того рока.

(Медвідь, ТASR)