Стовка косовскых Сербів заблоковала вчера на севері Косова драгы ведучі к єдиным двом граничным переходом зо Сербійов, абы так протестовали протів заказу вступу авт зо серьбскыма ідентіфікачныма значками до Косова. Пріштіна інформувала, же тот заказ апліковала реціпрочні по тім, як Сербія заказала на свою теріторію пущати авта з косовскыма ідентіфікачныма значками.  Сербії тым назначовала, же Косово є незалежным штатом. З тым але Белеград ся непогоджує. Косовска влада выслала іщі в неділю до споминаной області – обываной главні етнічныма Серьбами – обырнены авта і шпеціалну поліцайну часть, абы досліджувала на аплікацію нового заказу. (TASR, Pkf)