В Северній Мацедонії днесь зачало перше коло презідентьскых волеб, к урнам може приступити коло 1,8 міліона повномочных воличів. Волебны містьтности были одкрыты о 7.00 год, запруть со о 19.00 год, інформує о тім пресаґентура DPA. Подля найновшых досліджінь публічного мнінія днешній презідент Стево Пендаровскі зо соціалнодемократічной унії Мацедонії ясно заоставать за Ґорданов Сіляновсков-Давковов з націоналістичной партії з назвом Внутрішня мацедоньска револучна орґанізація-Демократічна партія мацедоньской народной єдноты. Кідже ани єден з кандідатів правдеподобно нездобуде веце як 50 процент голосів і в грі є і пять дальшых кандідатів, вольбы ся достануть до другого кола, котре є наплановане на 8-го мая. В тот день ся одбудуть і парламентны  вольбы. (TASR, Pkf)