Европска унія хоче до кінця 2023-го року договор о тім, як собі дасть рады з тісячами міґрантів ідучіма на контінент, а то і наперек крітіці Мадярьска і Польщі. Повів то в понедільок іспанськый премєр Педро Санчез, інформує аґентура AFP. Европскы представителі мають надію, же ся подарить досягнути договор о розміщованю жадателів о азіл в 27 членьскых країнах. Державы як Італія, Ґреція і Іспанія выголошують, же як головны вступны пункты міґрантів мусять нести несправедливо найвекшый тиск. Націоналістічны влады головно в Мадярьску і Польщі суть проти плану на перероздільованя міґрантів меджі членьскыма країнами, што ся проявило і на минулотыждньовім саміті Европской унії.

(Медвідь, TASR)