Тырвале рішеня міґрачной крізы ся покы неподарило досягнути. Лідры членскых країн Европской унії оставають ші фурт на уровні декларації. Выходить то зо слов німецького сполкового міністра внутра Горста Зеегофера по вчерайшій стрічі з австрійскым резортным колеґом Гербертом Кіклом в Берліні. За словами Зеегофера є потрібно реалізувати заключіня прияты на юновім саміті Европской унії, в змыслі котрых треба на севері Африкы выбудовати такзване центрум про затримных міґрантів в Середоземнім морю і на добровольній базі заряджіня на території Унії, де бы могли дати жадателів о азіл на потрібный період посуджіня їх жадостей. (ТАSR, Кімак-Фейко)