Російска офензіва напрямом на выход Молдавії не є вопросом того, ці прийде, але коли прийде, остерігав у понедільок шеф молдавской шпіонажной службы Александру Мустеата. Шеф інформачной і безпечностной службы різіко російской офензівы поважує за „барз высоке“. За його словами Москва має іщі все в плані забезпечіти собі корідор через Україну до сепаратістічного молдавского реґіону Приднестерія. Молдавска тайна служба є пересвідчена, же Росія роздумує над веце сценарями. Можлива дата початку офензівы є на переломі януара і фебруара або марца і апріля. Приднестерія творить 17 процент теріторії Молдавії і жыє там векшыново російскоязычне населіня. Незалежность, котру выголосило в році 1992, нихто не признав.

(Медвідь, TASR)