Рускый презідент Владімір Путін вчера прилетів до Будапешті на майстровства світа в джуді. В шпортовій галі Папп Ласло Спортарена в рамках славностного одкрытя світового шампіонату стрітнув ся с мадярскым председом влады Віктором Орбаном і с монґолскым презідентом Халтмаґіно Баттулґом. Рускый презідент с радістю конштатував, же рускы інвестиції в Мадярску досягли 1,27 міліярды евр. Путін окрім іншого увірював Орбана, же фінанцуваня проєкту розшыріня атомовой електрарні в Паксі є забезпечене у вышкі 10,16 міліярд евр.
(Петро Кімак-Фейко)