Русиньске свято в Дебрецині
В суботу 25-го мая 2024-го року своє свято будуть праздновати Русины в Мадярьску. Тот рік Русинськоє Націоналне Сято, котрого головным орґанізатором є Вседержавне русиньске самосправованя, одбуде ся в Дебрецині. На русиньскім святі буде, як каждый рік, передавана Премії Антонія Годинкы, котру лавреатам передасть председа Вседержавного русиньского самосправованя Віктор Крамаренко. Торжество буде продовжати концертом віолончелісты Андраша Зана і молитвов паракліса, котрый одслужыть Высокопреосвященый владыка Філіп Кочіш, архієпіскоп і митрополіта гайдудорґскый. Покровителями тогорічного русиньского свята суть Мікловш Шолтес – державный секретарь із вопросів реліґійных і націоналных капчань, Ласло Повшан – председа Културной комісії Парламенту Мадярьска, і Віра Ґіріц – посланкыня мадярьского парламенту за Русинів. Жрідло фотоґрафії: Pixabay.com. (ЛЕМ.ФМ, Пкф)
-
Назад / Nazad Блінкeн: Росія мусить заплатити за обнову Путіном пошкодженой Україны
-
Далше / Dalše Іраньскый презідент Раісі вмер при паджіню гелікоптеры