Шеф найвысшого выконного орґану Европской унії (ЕУ) Jean-Claude Juncker похыбує о тім, ці є Румунія приправена на політичны компромісы в рамках председницьтва в ЕУ, котре перебере завтра 1. януаря на шість місяців ротуючого председницьтва в Раді Европской унії. Jean-Claude Juncker, як председа Европской комісії єдночасно підкреслює, же країна є на то технічно добрі приправена. Про Румунію дане председницьтво практічно значіть, же буде мусіти дозерати на аґенду ЕУ і быти діпломатічным посередником меджі 28 членьскыма країнами.
(ТАSR)