Выходоевропскы членьскы державы НАТО бы собі желали векшу присутность союзницькых воєньскых сил на выходнім крылі того блоку. Повів то румуньскый презідент Клаус Іоганніс в понедільок по скінчіню відеосаміту презідентів країн Букурешстькой девяткы, з котрым ся споїв і америцькый презідент Джов Байден. Інформовала о тім аґентура Reuters. Відеосаміт Букурештьской девяткы, де належать Булгарія, Чеська републіка, Естонія, Літва Латвія, Мадярьско, Польща, Румунія і Словакія, значіть країны НАТО з выходной Европы, орґанізовав румуньскый презідент вєдно з польскым презідентом Анджейом Дудом.

(Медвідь, TASR)