Росія приправить воєньску одповідь на плановане розложіня америцькых ракет з довгым досягом в Німецьку. Выголосив то днесь секретарь російского міністра заграничных справ Серґей Ріабков. Інформує о тім аґентура Reuters, котра ся одкликавать на російскы штатны медія. ‟Без нервів, без емоцій приправиме главні воєньску одповідь на нове загрожіня,‟ цітує Ріабкова аґентура TASS. Высокопоставленый російскый діпломат притім твердить, же розложіня америцькых ракет в Німецьку є заміряне главні на пошкоджіня російской безпечности. Сполучены штаты і Німецько вчера в сполочнім выголошіню увели, же зачнуть од року 2026 розкладати в Німецьку ряджены стрілы тіпу Tomahawk і дальшу зброю довгого досягу, абы указали свій обовязок у одношіню до НАТО і европской обороны. (TASR, Pkf)