Росія ракетами атаковала Київ і далшы міста
Російскы силы зреалізовали в понедільок розсяглы ракетовы атакы на різны україньскы міста включно столиці Київ. Уряды голосили з різных частей країны десяткы мертвых і понад стоштиридцять зраненых, інформує аґентура Reuters. Пріматор Києва Віталій Кличко выголосив на днесь день смутку за жертвы ракетовых атак. В столиці Україны російска армія засягла і дітячій шпыталь Охмадит почас білого дня. Іде о найвекшый шпыталь про діти в країні. Вмерли притім двоми дорослы з того єдна лікарька, і найменше сім дітей было зраненых. Україньскый ґенералный прокуратор Андрій Костін інформовав о найновішій російскій атаці на Україну і прокуратора Меджінародного карного трібуналу Каріма Хана. Днесь одбуде ся в Ню Йорку міморядне засіданя Безпечностной рады Орґанізації зъєдиненых народів, котре буде присвячене понедільковым ракетовым атакам.
(Медвідь, TASR)
-
Назад / Nazad Стармер приобіцяв выліпшыти побрексітовый договор
-
Далше / Dalše ЕУ фінанчно поможе фармаром в Австрії, Чехії і Польщі