Росія не вылучує можливость насаджіня міровой місії Орґанізації зъєдиненых народів на Донбасі включно російско-україньской граніці. В понедільок то повів окремый представитель США про Україну Курт Волкер. Його слова зазвучали почас телефонічного бріфінґу, інформовав бруселскый корешпондент аґентуры Ukrinform. Америцькый діпломат повів, же почас своїх розговорів із Владиславом Сурковом, радником російского презідента, є Росія приступніша розмістніню міровых сил на Донбасі. Подля выражіня німецького міністра загранічных діл Зіґмара Ґабрієла зо зачатку януара є насаджіня міровых сил ОЗН єдиным способом, як забезпечіти дотримованя переміря на Донбасі. Од місії собі так само обіцять то, же із простору счезнуть тяжкы збрані.
(TASR)