Росія была вчера согласна з продовжіньом договору о експорті зерна з україньскых чорноморьскых приставів, але лем о далшых 60 днів. У швейцарійскій Женеві ся в понедільок зачали їднаня о продовжіню договору о експорті зерна. Посередниками договору были Орґанізація зъєдиненых народів і Турція влони в юлі. Договор поміг обмеджіти роснучі ціны потравин. Першый раз договор продовжыв ся в новембрі на 120 днів, значіть платность має теперь скінчіти 18-го марца. Москва вже сіґналізовала, же з продовжіньом буде згодна, покля ся зрушать обмеджіня на їй властный експорт.

(Медвідь, TASR)