Російскый презідент Володимир Путїн і презідент Югоафрицькой републікы Кіріл Рамапгоса ся у четверь протягом телефонату договорили, же Росія в найблизшій будучности вышле до ЙАР ґрупу своїх докторів, бадателїв а тыж лїкарьске выбавлїня. Інформовав о тім тисковый уряд Кремля, на котрый ся одкликала штатна тискова аґентура TASS. ,,Лідры продовжовали в діскусії о сполупрацї обидвох країн повязаной з новым коронавірусовым варіантом омікрон. Досягли договор о скорім высланю ґрупы російскых віролоґів, епідеміолоґів, бадателїв і докторів а таксамо о додавцї гіґіенічных потреб, епідеміолоґічного лабораторія і далшого здравотницкого выбавлїня до Югоафрицькой републікы,“ уводить ся у выголошіню Кремля. Югоафрицькый презідент выразив вдяку за то, же російска страна є охотна узко сполупрацовати в протіепідемічнім бою, пише Кремель.

(TASR, Шутіова)