Росія приготовлює вычеркнутя афґаньского фундаменталістічного руху Талібан із свого списку заказаных терорістічных орґанізацій, інформовала о тім в понедільок російска державна пресаґентура РИА НОВОСТИ. Аґентура у своїй інформації цітовала высловы російского міністра загранічных діл Серґея Лаврова, котрый припомянув, же Казахстан уж кінцьом 2023-го року вычеркнув Талібан із свого списку заказаных орґанізацій. На російскім списку заказаных орґанізацій є Талібан од 2003-го року. Лавров поясньовав, же аналоґічне рішіня Росії буде лем признаньом реалности. Подля шефа російской діпломації талібы суть реалнов владнов силов і про Росію то не є індіферентне.

(Медвідь, TASR)