Росія выгостить новинарїв западнїх країн, кедь буде платформа YouTube на своїх сторінках блоковати приступ ку тисковым конференціям російского міністерства загранічных дїл. Повіла то у четверь говоркыня російского міністерства загранічных дїл Марія Захаровова, інформує о тім денник The Guardian цітуючій зо справы російской аґентуры TASS. ,,Просто сьме їм повіли: Заблокуєте далшый бріфінґ, а єден новинарь або америцьке медіум ся верне домів. Кедь дойде ку заблокованю далшого бріфінґу, становиме конкретного новинаря ці конкретне медіум, котре ся верне домів,“ повіла Захаровова. Говоркыня російского резорту діпломації додала, же Москва приговотлює превентівны крокы напрямены на медія публікуючі в анґлицькім языку. Мать іти о одветну реакцію за ,,неприятельскы крокы“ многых країн проти російскым медіам. Близшы детайлы але не додала.

(TASR, Шутіова)