Росія зробила в ночі на віторок ракетовы атакы на Львівску і Волиньску область на западі Україны, інформовали україньскы представителі. За словами старосты Львова Андрія Садового было много ракет зостріленых. Додав, же при атаці были засягнуты цівілны будовы, в котрых жыють люди. Розсяг атакы і цілый розсяг шкод не были безпосередно ясны. Ґубернатор Львівской области Максим Козицькый передтым повів, же до области іде „купа російскых ракет“. Україньскы медії інформовали, же подля першых інформацій ішло о найвекшу воздушну атаку на Львівску область од початку російской інвазії на Україну у фебруарі 2022-го року. Аґентура Reuters не доказала тоты інформації безпосередно потвердити.

(Медвідь, TASR)