На 89 ся звышыло чісло російскых вояків, котры были вбиты при україньскім атаку на російскы озброєны силы в місті Макіївка на выході Україны зо суботы на новорічну неділю. Ознамило то в ночі на днесь російске міністерство обороны, інформує пресаґентура TASR подля справ аґентур AFP і Reuters. “Є уж знамый тот факт, же главнов прічінов того, што ся стало, было запнутя і громадне хоснуваня мобілных телефонів персоналом в зоні досягу зброї неприятеля,“ увів ґенералпоручік Серґей Сервюков з тым, же російскы вояци мобілны телефоны хоснували і напрік заказу. К одповідности за споминаный атак на російскы озброєны силы в місті Макіївка ся в понеділок приголосив Києв. (TASR, Pkf)