Російскый посол у Варшаві не пришов на польске Міністерство загранічных діл, де го покликали з причіны суботняйшого нарушіня польского воздушного простору російсков рядженов стрілов. Інформує о тім аґентура AFP. Подля говорцю міністерства Павла Вроньского, посол не пришов на міністерство, де мав пояснити інцідент з ракетов. Ґенералный штаб польскых озброєных сил о нарушіню воздушного простору інформовав у неділю. Ряджену стрілу выстрілив російскый літак і вступила до польского воздушного простору близко пригранічного села Осердув, в котрім была 39 секунд.

(Медвідь, TASR)