Россійскый презідент Владімір Путін і америцькый лідер Доналд Трамп вчера по телефоні дискутовали о обчанскій войні в Сирії. Путін, котрый перед тым абсолвовав стрічу із сірскым презідентом Башаром Асадом, підкреслив в телефонаті, же важне є найти політичне рішеня. Інформував о тім Кремель, на котрый ся одкликала пресаґентура Ройтерс. Путін мав у вівторок і розговоры по телефоні і з дальшыма близковыходныма лідрамі, як наприклад із савдскоарабскым кральом Салманом, ізраелскым премєром Бемяміном Нетанягуом і еґіпскым презідентом Абдалом Фатагом Сісім. Днес до Россії на стрічу с Путіном прийшов і турецкый презідент Рецепо Ердоґан і іранскый презідент Гасан Ругані.
(Петро Кімак-Фейко)