Бывшый премєр Італії Маттео Рензі в понедільок офіціално абдіковав з функції председы Демократічной партії. Причінов того кроку быв неуспіх партії соціалных демократів в минулотыждньовых парламентных выборах. Інформовала о тім аґентура Associated Press. Рензі одход з функції авізовав уж 5-го марца. Партію дочасно поведе міністер сельского господарьства одходжаючой влады Мауріціо Мартіна, котрый про аґентуру ANSA повів, же ся будуть тримати Рензіго плану зістати в опозіції. Парламентны выборы в Італії принесли патову сітуацію. Жадна партія не здобыла доста голосів на то, жебы могла вытворити владу сама. В Італії теперь зачнуть їднаня, котрых цільом бы мало быти выникнутя стабілного кабінету в рамках даякой коаліції, што може подля аналітіків тырвати цілы тыждні.
(TASR)