Белґійскый міністер загранічных діл і европскых справ Дідіер Рейндер в понедільок офіціално оголосив свою кандідатуру на функцію ґенералного секретаря Рады Европы. Інформовала о тім пресаґентура Belga. Функція, котру має од 2009-го року норвеґійскый політік Тгорбйорн Яґланд, буде вольна од 1-го октобра. „Вырішыв єм подати кандідатуру,“ признав Рейндерс про белґійскы медії, но звернув увагу, же о його жадости буде рішыти вшыткых 47 членів Рады Европы, котра має центер в Штрасбурзі. Рішіня о тім, хто вычерять Яґланда, буде прияте в юні. Шеф белґійской діпломації уточнив, же то, ці одыйде з домашньой політікы, може овпливнити і резултат парламентных, реґіоналных і европскых выборів. Єдночасно не таїть, же довшый час роздумує о роботі в рамках меджінародных інштітуцій. Функція секретаря є на 5-річный період з можливостьов єдноразового обновліня мандату.
(Медвідь, TASR)