20-річный Булгар затриманый в северонїмецькім містї Штаде ся признав к враждї новинарькы Вікторії Марінововой. Інформацію булгарьскій телевізії дала ёго мати, котра повіла, же сын ся признав, же то зробив кедь быв пяный а під силным впливом дроґ. Булгарьска прокуратура на затриманого в непритомности дала жалобу з карных скутків знасилніня і вражды а жадать о ёго выданя на карне їднаня. Іщі все не є дефінітівно вылученый вопрос, ці быв даякый звязок меджі скутком а дїятельностёв жертвы. Подля вышетрёвателїв вшыткы дотеперїшнї індіції назначують, же шло о спонтанне, сексуално мотівоване нападнутя.
(TASR, Цітрякова)