Російскый презідент Володімір Путїн у четверь повів, же Лондoн з Москвов бы мали ,,обернути лист” у взаємных одношінях напятых в дослїдку aтaку на бывшого аґента російской воєньской розвідкы Серґея Скріпаля і ёго дївкы Юлії.
,,Є потрібне конечно обернути тот лист- повязаный зо шпіонами і пробами о атентат,” повів Путїн подля аґентуры АФП. ,,Ґлобалны вопросы повязаны з народныма інтересами в економічній і соціалній сфері і ґлобална беспечність суть важнїшы як гры беспечностных служеб,” увів дале і додав, же Скріпаль не быв ,,руськым шпіоном”. ,, Мы сьме вас не шпеговали. Быв то ваш аґент, не наш. То значіть, же вы сьте нас шпеговали, “ додав. На Путїновы слова о потрібній направі у взаємных одношінях реаґовав і Лондон. ,,Інакше одношіня можеме мати лем втоды, кедь Москва змінить своє справoваня,” увела говоркыня Терезы Мейовой.

(TASR, Шутіова)