Російскый презідент Володимир Путїн у четверь выголосив, же Москва не мать замір поужыти ядерны збранї на Українї. Росія подля нёго о поужытю такых збраней нїкда не говорила, лем то назначовала в реакції на выражіня западнїх лідрів. ,, Не поважуєме то за потребне. Немать то змысел, ани політічный, ани воєньскый,“ повів Путїн протягом діскусії на політічнім форі в Москві з тым, же російска воєньска доктріна поволює хосновати ядерны збранї лем в припадї обраны. Шеф Кремля повторюючо обвинив Запад з ,,нуклеарного вымаганя“. Ёго цїлём є вывинути тиск на споєнцїв Москвы і неутралны штаты а пересвідчіти їх, же ся вшыткы мусять споїти проти Росії, твердить Путїн.

(TASR, Шутіова)