Російскый презідент Владимір Путін ся в понедільок по довшій перерві вымушеній рештрікціями в повязаню з пандемійов знова появив у Кремлі. Презідент ся особно стрітив з директором державных желізніць. В Кремлі ся першый раз обявив од 9-го мая, коли Росія припомянула собі 75-ту річніцю перемогы над націзмом в Другій світовій войні, інформовала аґентура Reuters. Путін почас пандемії працує головно із свойой резіденції западно од Москвы, одкыль посередництвом відеоконференцій рядить засіданя влады. Російскы представителі оголосили, же зліпшіня епідеміолоґічной сітуації може штохвіля вести ку зновуодкрытю дакотрых рекреачных центрів і змірніню рештрікцій в многых реґіонах.

(Медвідь, TASR)