Російскый презідент Владимір Путін підписав у понедільок закон, котрый му уможнить знова кандідовати на презідента. На основі той леґіслатівной нормы бы міг в припаді перемогы у вольбах быти шефом Кремля до року 2036. Інформовали о тім аґентуры Reuters і AFP. Путін є коло властей вже веце як дві декады. Його сучасный функчный період кінчіть у 2024-ім році. Закон, котрый быв у понедільок публікованый на владнім порталі, му дає можливость кандідовати на презідента іщі двараз на шістьрічный період. Новый закон, схваленый Державнов думов кінцьом марца, выходить із змін російской конштітуції, о котрых Росіяны голосовали влони в юлі.

(Медвідь, TASR)