Російскый презідент Владимір Путін тот рік не буде брати участь на засіданю Валной громады Орґанізації зъєдиненых народів, котре ся зачне 12-го септембра в Ню Йорку. Аґентурі ТАСС то повів говорця Кремля Дмитрій Песков. Росію на Валній громаді буде заступати міністер загранічных діл Серґей Лавров. Песков не хотів выразити ся ку ініціатіві Доналда Трампа, котрый плалнує на 18-го септембра зробити саміт світовых лідрів о реформі штруктуры ОЗН. О тій ініціатіві інформовала в пятніцю аґентура Reuters. Обще їднаня на 72-ій Валній гормаді ОЗН, котрому председать словацькый міністер загранічных діл Мірослав Лайчак, буде одкрыте 19-го септембра. Першый раз перед 193-членным орґаном буде выступати і Доналд Трамп.
(Петро Медвідь)