Членьство в Европскій унії зіставать про Турцію і наперек проблематічным односинам надалше стратеґічным цільом. На пресовій конференції в Істанбулі то в понедільок повів турецькый презідент Речеп Таїп Ердоґан. Повів то перед одходом до булгарьской Варны, де в понедільок проходив мінісаміт Турція – ЕУ. Ердоґан, як інформовала аґентура Associated Press, новинарям повів, же Турція наперек вшыткым барьєрам, котры має перед собов, далше продовжує на своїй пути, котрой цільом є членьство в унії. Цільом саміту у Варні, котрый одбыв ся із ініціатівы булгарьской презідії в Раді ЕУ, было рішыти проблематічны односины меджі ЕУ і Турційов.
(TASR)