Савдска Арабія по першый раз дать можливість женам піти на штадіоны, де будуть мати можность слідкувати шпортовы акції. Од зачатку року 2018 будуть на трьох штадіонах в містах Джідда, Даммам і Ріяд зряджены шпеціалны секції про родинны навщівы, інформувала вчера аґентура Ройтерс. Савдско арабська влада в септембрі інформувала, же од юна будучого року буду мати можность тамтешні жены і шоферовати авта, чім ся скінчив єдиный заказ того другу на світі. На основі Ріяду іде о часть розсяглой економічной і сполоченской реформы, котру ініціовав савдско арабскый корунный прінц Мугаммад бін Салман.
(Петро Кімак-Фейко)