Брітскый прінц Віліям навщівив вчера палестинскый утеченецькый лаґерь в окупованім Предйорданску по тім, як на стрічі с палестинскым презідентом Магмудом Абасом высловив надію на мірове рішеня сітуації на Близькім выході. Інформувала о тім аґентура Ройтерс. Віліям, котрый є цалково на першій офіціалній навщіві Ізраїля і палестинскых територій з боку члена брітской кральовской родины, прийшов до здравотницького заряджіня в утеченецькім таборі при місті Рамалаг. Ізраїльскый презідент Ройвын Рівлін вызвав прінца, абы Абасові вручів „міровый одказ“. Палестинскый презідент Віліянові повів, же „палестинска сторона є приправена на міровый процес з Ізраїльчанами“, додав справодайскый портал станіці ББС.
(TASR)

Фото: TASR/AP