Брітаньскый прінц Віліам ся у четверь участёв на харітатівных подїях вернув ку своїм офіціалным повинностям, котры перерушыв минулый місяць, кедь ёго женї Кетрін діаґностіковали раковину, інформує о тім TASR подля аґентур AP і AFP. Наслїдник трону Віліам навщівив центер на перероздїлёваня потравин і подїю орґанізації про молодых людей. Цїлём є підкреслити обмеджіня множства потравинового одпаду, што може приспіти ку понижованю емісій склениковых плінів і ку забезпечіню стравы про людей в бідї.

(TASR, Шутіова)