Представітелї Европской унії і одборницї ся боять, же Европа бы в дослїдку громадных протестів проти расізму і поліцайному насилю могла в наслїдуючіх тыжднях зажывати підвышіня кількости інфікованых новым коронавірусом SARS- CoV-2. Інформовала о тім у четверь аґентура Reuters. В рамках прояву солідаріты з демонштраціями в Споєных штатах, котры выкликало вбивство Афроамеричана Джорджа Флойда, простестовали в уплынулых днях в многых европскых містах десятьтісячі людей. ,,Кедь вшыткым рекомендуєте, жебы меджі собов мали одступ єден і пів метра, але вшыткы стоять коло себе і тримуть ся, не мам з того добре чутя,“ повів Йосиф Кесеціоґлу, презідент Европской компанії про інтензівну медіціну. На вопрос новинарїв, ці ку підвышіню інфекції може подля нёго прийти уж в слїдуючіх двох тыжднях, одповів: ,,Гей, але надїям ся, же ся мылю.“

(TASR, Шутіова)