Тісячі проевропскых демонштрантів ся вчера вечурь зышло в ґрузіньскых містах, абы семый день по собі протестовали проти вердікту влады позаставити приступовы їднаня з Европсков унійов (ЕУ). При звадах перед будовов парламенту в центрі Тбілісі было цілком затриманых скоро 300 людей і десяткы людей вєдно демонштрантів і поліцайтів потерпіло пораніня. Інформує о тім аґентура AFP. Премєрь Іраклі Кобахідзе вчера приобіцяв, же прийме крокы проти ‟радікалным‟ політичным силам, котры суть одповідны за орґанізованя протестів. (TASR, Pkf)