Найменше 14 людей вмерло  і дальшых 43 потерпіло пораніня в часі атаків Ізраїля в ночі на понедільок в середньосірьскій провінції Гама, інформували о тім сірьскы штатны медія. Чісло жетв про сірьску аґентуру потвердило здравотницьке джерело, котре додало, же шість пораненых особ є в крітічнім ставі. Ізраїль, так повідають, многыма ударми засягнув воєньске дослідницьке центрум на выробу хімічной зброї недалеко сирьского міста Масйаф, написала аґентура  Reuters з одкликаням ся на ‟два реґіоналны справодайскы джерела‟. Подля даных джерел там быв тім іраньскых воєньскых експертів. (TASR, Pkf)