Веце як пів тоны кокаіну обявила і сконфішковала хорватьска поліція в приставнім місті Плоче на берегах Ядраньского моря. Контранбанд быв скрытый в беднях з овоцинов, інформувала днесь пресова аґентура AP. Подля містьстных медії іде о єден з найвекшых налезів наркотік в Хорватії. Кому быв паклик адресованый, затля ся незнать. Подля одгадів поліції бы мали згабаны дроґы на чорнім торгу ціну выше 57 міліонів евр. Місто Плоче ся находить недалеко главной турістичной дестінації Дубровник. (TASR, Pkf)