Україньскый міністер загранічных діл Вадим Пристайко не вылучує обновліня желізнічного споїня з частями Донбасу, котры суть під контрольов проросійскых сепаратістів. Повів то в розговорі, котрый публіковала аґентура УНІАН. Міністер говорив, же бы ся міг обновити особный або накладный транспорт, з чім уж суть позітівны скушености в селі Чонгар, яке є лінійов меджі Російов контрольованым Кримом і рештов Україны. Новый вступный і выступный пункт бы міг подля Пристайка выникнути в місті Золоте, де Україна вже має контрольный пункт.

(Медвідь, TASR)