О стягнутю америцькых вояків з Іраку роковали у четверь в Баґдадї ірацькый премєр Мустафа Казімі і коордінатор Білого дому про Близкый выход і Африку Брет МкҐурк, інформовала аґентура AFP. ,,Рокованя ся тыкало механізму стягнутя єдноток з Іраку і посуну до далшой етапы нашой стратеґічной сполупрацы,“ увела у выголошіню канцеларня ірацького премєра. В Іраку ся находить приближно 3500 споєнецькых вояків враховано 2500 Америчанів, котрых головнов задачов мала быти од року 2014 поміч містній армадї в бою проти Ісламскому штату. Казімі іщі протягом юла навщівить Вошінґтон. Темов роковань мать быти конкретный часовый план стягнутя америцькых вояків. То але подля аґентуры AFP може тырвати рокы.

(TASR, Шутіова)