Голандьскый премєр Дік Шооф убезпечів україньского презідента Володиміра Зеленьского о „продовжуючій підпорі і анґажованости“ Амстердаму. Зробив то почас навщівы фронтовой лінії в понедільок недалеко міста Запоріжя, інформує аґентура DPA. „Мусиме зробити вшытко, што є в нашых силах, жебы сьме помогли Україні продовжати на фронтовых лініях, но і в штоденных жывотах людей,“ написав Шооф на платформі X. Вєдно із Зеленьскым брали участь на одкрытю школьского рока і бісідовали з войновыма ветеранами. Шооф приобіцяв Україні паклик підпоры в сумі веце як 200 міліонів евр. Схоснує ся головно на охрану і оправу енерґетічной інфраштруктуры, як і на фінанцованя гуманітарной помочі.

(Медвідь, TASR)