Презідентьскы вольбы в Росії одбудуть ся 17-го марца 2024-го року, інформовали днесь російскы представителі. О терміні „єдноголосно“ вырішыли посланці вышньой палаты російского парламенту – Рады Федерації. Урядуючій презідент Владимір Путін може в слідуючіх вольбах кандідовати уж на свій пятый шістьрічный період. Путін іщі офіціално не потвердив, ці буде кандідовати, но о його кандідатурі вже минулый місяць інформовало шість різных неофіціалных джерел. Говорця Кремля Дмитрій Песков в септембі выголосив, же покля Путін вырішыть кандідовати, не буде мати конкуренції. Обще ся очекує, же Путін кандідовати буде і знова выграть, чім собі забезпечіть перебываня в Кремлі аж до 2030-го року.

(Медвідь, TASR)