Презіденты Сербії і Чорной Горы в понедільок договорили ся на закінчіню напруженых односин меджі тыма двома історічныма балканьскыма союзниками, інформує аґентура Associated Press. Обидві країны по розпаді бывшой Югославії были єднов державов, покля Чорна Гора по референдумі з 2006-го року не выступила з федерації. Ку напругам в односинах меджі Подґоріцьов і Белеградом помогло і узнаня незалежности Косова з боку Чорной Горы. Сербскый презідент Александар Вучіч і новозволеный чорногірьскый презідент Яков Мілатовіч по стрічі в сербскій столиці інформовали, же будуть робити на зліпшіню політічных односин, жебы одповідали господарьскій співпраці меджі обидвома країнами.

(Медвідь, TASR)