Америчане ся 5-го новембра выберуть к волебным скринькам, абы одовздали свій голос в презідентькых вольбах. Як про прессаґентуру TASR повів політолоґ Браніслав Ковачік з Універзіты Матея Бела в Банскій Быстріці, же ‟не є то шак вольба через обычайных людей, то значіть воличів, а ани через заступітельскый збор. Презідента волить оріґіналне волебне колеґіюм.‟ В Сполученых штатах платить, же переможцьом презідентьскых волеб є кандідат, котрый здобуде надполовічну векшыну голосів волітелів, то значіть 270 з цілкового чісла 538. Каждый штат мать тівко волителів, тівко мать заступців в Конґресі, і їх чісло є зележне од середнього чісла жытелів. Сама вольба презідента США ся уж традічно одбывать в першый  вівторок наслідуючого по першім новембровім понедільку, што в року 2024 припадать на 5-ый новембер. (TASR, Pkf)