Представителі конзерватівной Ракуской  людовой партії (ÖVP) бывшого канцелара Себастіяна Курца і партії Зеленых ся вчера, в послідній день коалічных їднань, догодли на вытворіню новой влады. Інформувала о тім з одкликаням ся на свої джерела аґентура APA. Сполочный владный проґрам, як і список міністрів, обідві партії представлять в часі днешнього дня. Кедь суботняйшый сейм Зеленых одобрить владный проґрам і список міністрів, новый кабінет буде мати можность зложыти присягу до рук сполкового презідента Алехандра Фан дер Беллена.  (TASR, Pkf)